يسم الله الرحمن الرحيم
Hijob Shartlari Sharhi
Tormas, keng bo'lishi
4-shart sharhi
Kiyimdan maqsad fitna oldini olishdir. Bu maqsad kiyim keng bo'lganda hosil bo'ladi. Tor kiyim jasadni yopsa-da, uni yoki ba'zi a'zolarini gavdalantirib turadi va erlar ko'ziga shakllantiradi. Bunday qilmish qanchalar bulg'unchilik keltirishi ma'lumdir.
Usoma bin Zayd aytadi:"Rasululloh sallallahu alayhi va sallam o'zlariga Dixyatul-Qalbiy hadya qilgan qalin Kibtiya(qavm nomi) liboslarini menga kiydirdilar. Men esa uni ayolimga kiydirdim. Shunda Rasululloh sallallahu alayhi va sallam menga:"Senga nima bo'ldi, Kibtiya(libosini) kiymayapsan?" dedilar. Men:"Ayolimga kiygizgan edim" dedim. Ul zot:"Ayolingga ayt, uning ostidan g'ilola(jasad gavdalanmasligi uchun ko'ylak ostidan kiyiladigan kyim) kiysin, chunki men uning suyaklari hajmi sifatlanib qolishidan qo'rqaman" dedilar". Rasululloh sallallahu alayhi va sallamning bu buyruqlarini bajarish vojib bo'ladi. Yuqoridagi hadisdan yana shu ma'lum bo'ldiki, ustki kiyimning rangi emas, balki jasadni sifatlamasligi ta'kidlanmoqda. Ayol kishi namoz o'qishida ham ichi ko'rinmaydigan va jasadini sifatlamaydigan kiyim kiyishi lozim. Tor hijob kiyadiganlar Alloh taolodan mag'firat so'rasinlar, bu qilmishlarini takrorlamasinlar va quyidagi hadisni eslasinlar(ma'nosi):
"Hayo bilan Iymon bir-biriga bog'langan narsalardir. Agar ulardan biri ko'tarilsa, ikkinchisi ham ko'tariladi, "dedilar payg'ambar sallallahu alayhi va sallam.